Heiweh!!! (Jawohl, uf schwyzerduetsch ohne uepuenktli)

Firstly let me appologize to all the anglophoners, but this is for Switzerland....

Jupie, scho glii isch wienachte u hie louft natuerlech gad chli viu wie aua bi euch o... U obwohl aui hennae beschaeftigt sy hani gliich 2 mega liebi E-mails becho, eis vom Stridli mitmene gritibaenz woni zersch no sauber ha muesse mache :-D U eis vom David mitmene Samichlous wo yodlet...u ebae dr David het gfunge er het mi Blog uf Schwiizerduetsch lieber, auso hani daenkt i mache mau ae uusnahm :-D

Zersch afe mau di wichtige news...Dr Luki het ned so uevberzuegt toent, aber ehrlech, i ha 15 kg abgno u bi vore groessi 18/20 ufene groesse 12/14...ned schlaecht fuere afang, aber iz hani afe mau wienachte u drum dafi aus aesse wiu a wienachte hets nume haub sovil kalorie und usserdem isches chaut, da verbroennt mes ja schnau wieder...( hihi, das si so entschuldigunge wo d Stacey (ufem naegschte Foto, si geit zu weight watchers) u ig hei)

I bi are London Night bi ues im Kor xi...
Me het sech muesse verchleide u ig ha mega froid gha am plane aber dr abe sauber isch chli id Hose...das isch sochli dr afang xi vo mmire sozialisierig hie in aengland....

Naer bini ar wienachtsfiir vor Bude xi...ufem Foto mit mire Chefin...Mir gfaut buetz eigentlech no guet u i chume bis uf 1 person mit aune hennae guet z schlag...I schaffe ned fuerd Heilsarmee, wie anschiinend es paar verstande hei, I schaffe fuerd British Heart Foundation...I schaffe imne Lade wo 90% Secondhand gueter u 10% Ikoufti Gueter verchouft... I mache sochli aues, vom Stoubsuge ueberds ussortiere vo de Sache wod Luet inebringe, chiste schleppe, prise feschtlege, telefon, kasse, Chundedienst (Meistens muesme oeppis neume ga abhole oder oepper het ae bsunderige wunsch oder so), freiwilligi mitarbeiter alere, buroarbeite etc...leider isch mis ghaut chli megamies u drum suechi ae noie job....I chamer im momaent ke mieti hie leischte (wobi das ned viu heisst, hie choi sech di meiste d mieti ned wuekech leiste, isch chli gstoert wasi hie fuer priise hei)...aber das het o sis guete wiu....

...ig jz ebae no bir Nina wohne. Die womi mau si cho

bsueche heise kenneglert, si isch mega lieb u lat mi hie la wone (D bilder vom pinkige Zimmer si igendwo imne fruechere Iitrag)

Am letschtae Friti bini amne wienachtsball xi mit dr Stacey (blond) u 2 Modis vo Hadleigh (aes Corps hie ir nechi), dr Katie (Schwarzes Chleid) u dr Heather (bruun-wisses chleid). I bi die im schwarze jaegli :-D. Dr Ball isch vomne Jugendchor us xi, woni 1mau im Monet gange....es isch reacht sehr ned aehnlech wie Shelomith, eigentlech so ds genaue gaegeteil, aber glich o interessant. Me geit eifach weme luscht het u d leiterin kennt nedmau d leut bi name aber es si geng soviu da machts ke unterschied...mir si meh lut aus guet aber drfuer mit viu froid am singe :-D

Ja, das si hie gad mau di noischte news uf schwizerduetsch, merci a aui wo a mi daenke, i plane fescht im maerz mau z cho...Hanech lieb u es taet mi froie mau chli oepis vo euch z ghoere...aus liebe, anne pfanne